ৰীতে ৰিদম
দুচকুত ভাঁহি আহে
গেৰুকামুখৰ দুখন ছবি
এটা পোহৰ
আৰু আনতো এন্ধাৰ
এক
গেৰুকামুখেদি জোনাক নামিব
নামিছে
নামিল
উজ্জ্বলি উঠিব
উঠিছে
উঠিল
পাহাৰৰ সেউজীয়াবোৰ অধিক উজ্জ্বল হ’ব
গাৱৰ অলি-গলিবোৰ উজ্জ্বলি উঠিব।
দুই
গেৰুকামুখ খহি পৰিব
পৰিছে
পৰিল
নামনি অঞ্চল বুৰিব
বুৰিছে
বুৰিল
জীৱ-কুল বাচি নাথাকিব
নাথাকিল
চকুৰ পচাৰত তচনচ হ’ব
হ’ল
নামনি অঞ্চল
পুন: নিৰ্মাণৰ কাম কুৰি বছৰ লাগিল।
(বিঃদ্ৰঃ- এখন তয়াময়া ৰণ
এন্ধাৰ আৰু পোহৰৰ
পোহৰে জিকিবলৈ গৈ আছে
জিকিব
জিকিল
এদিন কিন্তু এন্ধাৰেও জিকিব।)
