অঞ্জলী বৰদলৈ
হে নৱবৰ্ষ
তুমি কৰিলা পদাৰ্পণ
জনাইছোঁ স্বাগতম।
পুৰণি বছৰ দিলোঁ বিসৰ্জন
ভালবোৰ কৰিম ৰোমন্থন।
ভুল-দোষবোৰ নিয়া উটুৱাই
শুদ্ধ-সত্য পথ দিবা দেখুৱাই।
দয়া-ক্ষমা-পৰোপকাৰে লওক অন্তৰত ঠাই
সজ আচৰণ, সজ ব্যৱহাৰে যাম আগুৱাই।
মানুহবোৰ যেন অমানুহ নহওঁক
হিংসা, কলুষতা আদি আঁতৰ হওঁক
প্ৰকৃতি-প্ৰেম আৰু মানৱীয় গুণ বৃদ্ধি পাওক
সুখ- শান্তিৰে পৃথিৱী ছানি ধৰক।
প্ৰদূষণ ৰোধ, দুৰ্নীতি নিবাৰণ সকলোৰে লক্ষ্য হওঁক
বৃক্ষৰোপণৰ দ্বাৰা ধৰণী সেউজী হৈ উঠক।
প্ৰতিটো পল- অনুপল যেন সজীৱ হৈ ৰওক
নৱবৰ্ষই অনাবিল আনন্দ কঢ়িয়াই আনক।
উদয়পুৰ, ঢুলীয়া গাঁও
পি. অ':মৰঙি,
গোলাঘাট
৭৮৫৬২১
ফোন নম্বৰ:৮৬৩৮১৪১৭১
