সবিতা বৰুৱা ফুকন
কিমান মৰম পালে
নৰীবোৰ সুখী হয় ?
কিমান সন্মান যাঁচিলে
নাৰীৰ বুকুত আশাৰ
ফুল ফুলে,
কেনেকৈ প্ৰাৰ্থনা কৰিলে
নাৰীৰ বাবে ভগৱান
প্ৰসন্ন হয়...
কপালত উজ্বলি থকা
জোন যেন সেন্দুৰৰ ফোটটোৱে,
কিমান নাৰীৰ
সপোন সজাই ?
কয়নে উচুপিবলৈ,
কয়নে হতাশ হ'বলৈ ?
হাজাৰ জিজ্ঞাসা আৰু
উত্তৰ হীনতাৰ যন্ত্ৰণাইও
দিগ্ ভ্ৰান্ত কৰিব নোৱাৰা
হে নাৰী,
প্ৰাৰ্থনা কৰিছোঁ মই
সহস্ৰ ৰাতি
তুমি সুখী হোৱা
সুখী হওঁক সকলো নাৰী ।
