গীতাঞ্জলি দেৱী
(১)
মোৰ সুখ এখন মুকলি আকাশ
মোৰ সুখ এজাক ঢৌ-তোলা সমীৰ
মোৰ সুখ সাতোটা ঘোঁৰাৰ বেগ
মোৰ সুখ সমগ্ৰ নিখিল-নিৰ্জন দ্বীপৰ ।
(২)
তথাপি মোৰ ঠিকনা তোমাৰ ওচৰত
তথাপি মোৰ পৰিচয় তোমাৰ ওচৰত
তোমাৰ দুচকুত বন্দি হৈ মই নাচোঁ
মুকলি হৈও মুকলি নহওঁ তোমাৰ মায়াত ।
(৩)
কেতিয়াবা মই নিখোজ হোৱাৰ বাতৰি ওলায়
উৎকণ্ঠা এটা আৰণি-জাৰণিয়ে ঘূৰে
নিৱৰ্তমান মোৰ দুখ,অসুখ
মই নিখোজ হোৱা বাতৰিত মোৰ অস্তিত্ব হেৰায় ।
