হৃদয়ৰ সন্ধান

 ৰীতা সভাপণ্ডিত

এখন হৃদয়ৰ সন্ধান কৰিছো  মই        

     য'ত প্ৰতি  দিনে  বিনিময় হয়           

                 সুখ - দুখৰ  ।

    

    এখন হৃদয়  লাগে মোক

    সেউজীয়া আশা 

     সেউজীয়া ভাষা

      সেউজীয়া হাঁহিৰে জীপাল কৰি                   

       তুলিবলৈ মনাকাশ   । 

      কলিজাৰ পৰা নিগৰি অহা  

       আঘাতবোৰ পখালিব  পৰাকৈ

        এখন হৃদয় লাগে  ।

      

বুকু  বিদীৰ্ণ  কৰি  ওলাই অহা

হুমুনিয়াহ  বোৰ আঁতৰাবলৈ ,

প্ৰাপ্তিৰে ভৰাই তুলিব পৰাকৈ 

 চকুলোবোৰ মুচি দিব পৰাকৈ  

এখন মৰমৰ বিশাল হৃদয়  লাগে  ।