সবিতা বৰুৱা ফুকন
চ'তৰ বিহুতে তুমি অহাৰ কথা ,
আয়ে মোক কৈছিল ...
তোমাৰ কথা ভাবি মনটো
উগুল -ঠুগুল লাগিছিল
আগফালৰ গোহালিৰ ঘৰটো
তেনেই পচি আছে !
কাকিনি তামোল কেইজোপাও
বৰকৈ ওখ হৈছে ....!
সেয়ে হয়তু তুমি আহিবা বুলি
বুকুখনে ধান বানিছে...!
বৰঘৰৰ মূধচটোও এইবাৰ
তোমাৰ লগতে যাম বুলি
সাজো হৈ আছে !
তথাপি তুমিতো আহিবা,
প্ৰতিটো বছৰৰ দৰে
প্ৰতিটো বসন্তৰসতে !
সিদিনা ও ওৰে ৰাতি মই
তোমাকেই চাই আছিলোঁ
মোৰ বৰঘৰটো তোমাৰ লগত
গুচি যোৱাৰ দুখ মোৰ নাছিল
দুখ লাগিছিল...
যি সময়ৰ বুকুছাত
উৰি গৈছিল
মোৰ বুকুৰ বৰঘৰটো...!
