সমলয়

 মিছ নাজলিন বেগম

জ্ঞানৰ বিকাশ তুমি সমলয় 

কবি, লেখক সকলৰ প্ৰেৰণা তুমি | 

প্ৰেৰণা পোহৰৰ চাকিটিৰ 

সলিতা তুমি সমলয় | 

তোমাৰ পোহৰত আজি 

সৃষ্টি পথ বিচাৰি পালো সমলয় | 

তোমাৰ বাবে কত যে 

কবিতা জিপাল হল,  

তোমাৰ পোহৰত আজি 

প্রাণ পালে লেখকে | 

নিজৰ মাজতে সামৰি থোৱা 

সেই, গল্প, অনুগল্প বোৰে 

প্রাণ পালে তোমাৰ বুকুত সমলয় | 

তোমাৰ বহল বুকুত 

আজি মইও আশ্রয় ললো |

দুহাতেৰে সাৱটি ললো তোমাক 

তুমি আমাৰ মাজত সদায় 

বৈ যোৱা এখন নদী হৈ সমলয়