মমী তামুলী
গধুৰ হৈ আহিছিল গাঁও খনৰ পৰিৱেশটো।গাঁৱৰে বিধৱা বিমলাৰ গাভৰু জীয়েক জনীক হেমকান্তই কৰা সৰ্বনাশৰ বু-বু বা-বা খিনিয়ে বতাহজাক আৰু বেছি গধুৰ কৰি তুলিছিল।
পত্নীয়েও আহি একেখিনি কথাকে এইয়া ৰমেনক কৈছেহি।
বিজুলীৰ সোঁতৰ দৰে সোঁত এটা যেন ৰমেনৰ শৰীৰ-মনৰ মাজেদি বগুৱা বাই গ'ল।সন্মুখতে থকা আইনা খনলৈ ইতস্ততঃ ভাৱ এটাৰে মূৰ তুলি চালে সি।
সেইয়া…তাৰ মুখখনৰ ঠাইত সেইখন হেমকান্তৰ মুখ জিলিকি উঠিছে।
