জগবন্ধু কলিতা
সুহৃদ সভাসদ
যদি সকলো ঠিকে ঠিকে থাকিল হেতেন
তেতিয়া হ'লে মোৰ কবলগীয়া নাছিল
যদি বাৰে বাৰে ধৰ্ষিতা নহল হেতেন অসম
ঠিকে ঠিকে থাকিল হেতেন দেশৰ নীতি নিয়ম
যদি হত্যা নহল হেতেন কোনো সম্ভাৱনা
ঠিকে ঠিকে থাকিল হেতেন সকলো মাতৃৰ আশা আকাংশা
তেতিয়া হ'লে মোৰ কবলগীয়া নাছিল
যদি ধৰ্ম বা সম্প্ৰদায়ক লৈ নহল হেতেন ৰাজনীতি
ঠিকে ঠিকে থাকিল হেতেন শান্তি সম্প্ৰীতি
যদি হিংসাৰ স'তে কোনোৱে নকৰিলে হেতেন সন্ধি
ঠিকে ঠিকে থাকিল হেতেন ঐক্যতাৰ এনাজৰী
তেতিয়া হ'লে মোৰ কবলগীয়া নাছিল
যদি নেতৃত্ব নলল হেতেন নেত্ৰহীন ধৃতৰাষ্ট্রই
ঠিকে ঠিকে থাকিল হেতেন তেওঁলোকৰ লক্ষ্য উদ্দেশ্য
যদি কোনোৱে বিৰ্সজন নিদিলে হেতেন সততা
ঠিকে ঠিকে থাকিল হেতেন স্বাধীনতা
তেতিয়া হলে মোৰ কবলগীয়া নাছিল
সুহৃদ সভাসদ
যদি সকলো ঠিকে ঠিকে থাকিল হেতেন
তেতিয়া হ'লে মোৰ কবলগীয়া নাছিল ।
