গীতাঞ্জলি দেৱী
ফুলবোৰ এনেকৈয়ে ফুলা হ'লে মোৰ বুকুতো !
জাৰে -জহে, প্ৰতিটো ঋতুত ফুলবোৰ ফুলাৰ দৰে ।
জীৱনৰ শেষ প্ৰান্তৰৰ মৰুভূত শিলবোৰ এতিয়া ফুলি উঠিছে।
সৰি পৰা জোনাকত জিলিকি উঠিছে শিলফুলবোৰ ।
আকোঁৱালি ল'বলৈ অতিক্ৰমী দূৰ-সুদূৰ বাট ,
খোজত-খোজে হেৰাল মোৰ সোণোৱালী হাঁহি ।
প্ৰসাৰিত দুহাতত কোনে তুলি দিব বাৰু এটি সুৰীয়া বাঁহী ?
যি জীৱনৰ প্ৰতি পল সোঁৱৰি সুৰ সিঁচি
শিলফুলবোৰৰ বুকুত স্পন্দন জগায় তুলিব ,
আন্ধাৰ বোৰ আঁতৰাই জোনাকবোৰ গৈ থাকিব হাউলি পৰা আৰণ্যক পথেৰে ।
চুই চাব খোজিছোঁ ফুলৰ পাহিত জিলিকি উঠা ৰূপোৱালী বৃষ্টিকণা,
শুনি চাব খোজিছোঁ
কি আছে ,কি আছে শিলফুলৰ বুকুত ?
আছে নেকি লুকায় কঠিনতাত নিৰৱে , যুগ-যুগান্তৰৰ, প্ৰেম-বিষাদৰ অব্যক্ত গাঁথা !
°°°°°°°°°°°°°°°°°°°°°°°°°°°°°°
